SU CONTU DE SA MURTA

LA STORIA DEL MIRTO, IL VIAGRA DI SARDEGNA Myrtus communis LIQUORE, PROFUMI, MEDICINE

COMENTE SA MURTA EST ARRIVA IN SARDIGNA Paret chi sa murta l´hepet battida Ariteo, fizu de Apollo e de Afrodite (Venere). Narant chi una die Apollo fuit andadu a Cirene e chi inie esseret connotu Afrodite. Dae s´amore issoro naschid´est Aristeo, fattu mannu l´imparant s´arte de fagher casu e de innestare, e diventadu bonu mastru, nachi andait in giru a imparare a sos ateros. Una die benit a connoschet Euridice-Myrsine e sinde innamorat, ma issa non lu cheret, assoras l´hat bocchina. Sos deos tramudant Euridice in pranta de murta e perdonant Aristeo ma po punissione est custrintu a torrare a bidda sua in ´ue benit a ischire de sa molte de su fizzu. Assoras tristu e affliggidu dezitid de partire in terras lontanas. S´imbarcada e giompid´esta gai in Sardigna. Incantadu dae sa bellesa de sa terra, falat dae sa nave bene mudadu cun rampos de murta in signu de su luttu de su fizzu e de sa vida noa chi cheriat cominzare. Dae assoras sa murta creschet in Sardigna a cominzare dae sos oros de su mare. PRANTA SAGRADA, SIMBULU DE FORZA E DE VIGORE In antighidade fuit cunsiderada una pranta sagrada e miracolosa. Sos gregos naraint chi chie arregolliat sa murta, chie la impreait po imbellire sa domo ei sa pannimenta, chi l´esseret solu toccada, beniat a ottennere una fortilesa manna chi daiat vigore e potenzia. Diffatis a sos binchidores, atletas o gherreris, los coronaiant cun rampos de murta. SIMBULU DE AMORE E FERTILIDADE Ma sa murta est puru simbulu de amore e de fertilidade. Paret chi essere dadu puru apettitos e passiones noas de amore (toccat de la provare!). Fuit sa pranta pius istimada dae Venere, sa dea dea s´amore e de sa bellesa. Diffatis issa fuit naschida dae s´isprumma de su mare inghiriada de rampos de murta. Mirra inveces usaiat de regalare rampos a sas amigas cogiadas po sinde fagher bruzeras e coronas po fagher crescere sos disizos amorosos. Diffatis ancora oe chi est oe, medas usant, in signu de auguriu e de amore, de ponner rampos de murta in su bouquet de s´isposa. SIMBULU DE BELLESA E DE FESTA Sos romanos usaint de imbellire sas carrelas, in sas dies de festa, cun rampos de murta. Faghiant ozu e unghentos profumados, e meighinas contra sas maladias de s´istogomo e de sos prummones. In su medioevo dae sos frores si faghiat s´ «abba de anghelos», unu bonu profumu chi s´agattat ancora oe in cummerciu. Dae su fruttu e dae sas fozas faghiant tinturas po tingher su tessinzu, e cun su suzzu de su fruttu faghiant tinta po iscriere. Su resoliu invece est naschidu in s´ottighentos, faghinde frammentare sos ranos de sa murta in s´abbaldente chi posca beniat indrucchidu cun mele. IN COGHINA In medas zassos usan de ponner su fruttu po insaborire su mandigu. Atteros usan de ponner fozzas in sa cuba po dare gustu a su ´inu. Nois in Iscanu usamos de ponner rampos de murta a isterrimenta de sa petta arrustida. MEIGHINAS CUN SA MURTA Contra su dolore de ula, catarrone o bronchite. Faghide ´uddire unu punzu de fozzas pro una deghina de minutos in d´unu literu de abba. Indruchide cun mele e buffadende una cugliera dogni die, hazis a biere chi faghet bene. Si inveces faghides buddire pro vinti minutos ottenides un´atera meighina bona po sas infiammaziones de sa pedde, de sa ´ucca e de sa natura de sa femina.